Chiel qual òm che la matina de bonora
ben prest, a le zinque o prima ancora,
el passa su de bon pas e senza fadiga,
senza che gnegun lo mandia o i ghe lo diga?
A qual'ora i pu tanti i è a dormir
e gnanca la sveglia i è boni de sentir;
En costalta, cros del Cuc o Stramaiol
altri no gh'è, se non el brisarol.
L'è 'n òm serio, 'l ga la facia scura,
'l fa ben el so laoro senza quela paura
che i altrii vaga su prima a robar
le so brise che èl 'l sa 'ndo trovar.
El ga sempro presa e tanta premura,
a chi i lo 'ncontra bon dì 'l ghe augura,
ma se i tenta de fermarlo a ciacerar
el taia cort, el dis che 'l ga de nar.
Tuti i lo dis che l'è en bon om
ma i sa anca che l'è 'n bosiadron,
el so posto l'è bon, ma 'l te lo ten scondù
digant en giro che posti de brise no ghe n'è pu.
Copertina del libro di poesie.
Par la luna, el piover o la suta,
a sentir èl le brise no le buta,
ma ìl seguta a nar etel so postesel
e quande 'l torna 'l ghe n'ha sempro 'n fagotel.
Su par le buse e for dei pianestei,
con calma 'l fa fora i so postesèi
, quande 'l torna la so part el la ga
e mai dent de elo 'l se ga limentà.
D'inver, quando la so stagion l'èi pasada,
el da de capir che anca la gelosia l'èi nada.
Se 'l trova che ghe crede e 'l lo sta a scoltar,
tante storie su le so brise 'l scomenzia acontar.
La matina, quando tuti i drome, anca 'l saltar,
le brise le salta su e le se lasa gatar;
elo lìè furbo e ste robe 'l le sa:
sto chi l'è 'l so laoro, 'l so pan de tuta l'istà.
Se dopo na sgnapa o 'n bicer de vin
se prova a domandarghe de 'n so postesin,
el va 'n mez a la piaza e col baston,
el segna su la montagna, che l'è tut en posto bon.
